ደደቢት ማይክሮፋይናንስ ሎሚ መበል 209 ጨንፈር ኣብ ቶጎጋ ከፊቱ

መቐለ፡ 27 ሕዳር 2017 ዓ.ም ደደቢት ማይክሮፋይናንስ ሎማዓንቲ ኣብ ማእኸል ዕሸል ከተማ ቶጎጋ ሓዱሽ ጨንፈር ከፊቱ ስሩዕ ግልጋሎት ዕቋር ምሃብ ጀሚሩ።

ሓዱሽ ጨንፈር ቶጎጋ ኣብ ግልጋሎት ፋይናንስ ኣብ ነበርቲ ቶጎጋን ከባቢኡን ዝነበሩ ፀገማት ዘትርፍን ጨንፈር ይከፈተልና ዝብል ህዝባዊ ሕቶኦም ቅልጡፍ ምላሽ ዝሃበ ውሳነ እዩ።

ኣብ ቶጎጋ ዝተኸፈተ ሓዱሽ ጨንፈር ደደቢት ኣብ ዞባ ደቡብ ምብራቕ ዘለውዋ በዝሒ ጨንፈራት መውሃቢ ግልጋሎት ልቓሕን ዕቋርን ደደቢት ናብ 21 ክብ ዘበለ እዩ።

ጨንፈር ቶጎጋ እንትኽፈት ተወከልቲ ማሕበረሰብ እቲ ከባቢ፣ ዓበይቲ ዓዲ፣ መራሕቲ ሃይማኖትን ካልኦት ዕድመ ዝተገበረሎም ኣካላትን ዝተሳተፉ እንትኾኑ፤ ደደቢት ኣብ ጥቐኦም ግልጋሎት ልቓሕን ዕቋርን ዝረኽብሉ ጨንፈር ምኽፋቱ ዝተሰመዖም ሓጎስ ገሊፆም።

ስነ ስርዓት ምኽፋት ጨንፈር ቶጎጋ ኣብ ቀፃሊ ብራድዮን ቴሌቪዥንን ድምፂ ወያነ ሽፋን ሚድያ ክወሃቦ እዩ።

ነበርቲ ጣብያ ደብረ ናዝሬትን ከባቢኡን ትካልኩም ኣሚንኩም፤ ንምኽፋት ጨንፈር ቶጎጋ ስለ ዘድመቕኩም የቐንየልና።

ደደቢት: ሰረት ብሩህ መፃኢ!